പരിമള ഗന്ധോത്സവത്തിന്‍ ആഴപ്പരപ്പുകള്‍
വര്‍ണ്ണിക്കുവാന്‍ എളുതല്ല നിര്‍ണയം
അത് ചെന്നിടും ഇടമെല്ലാം നിശ്ചലം, തൃപ്തം .
ബന്ധിക്കുവാനാവില്ല ഒരു മുറിയിലോ അതിലെ
ചെപ്പിലോ ,കുന്നിന്‍ചരുവില്‍ അലഞ്ഞിടും ആട്ടിന്‍പറ്റം
ഒരുനിമിഷം തിരിഞ്ഞൊന്നു നില്‍ക്കും, പരതും
മന്ദസമീരന്‍ ആ വഴി കടന്നുപോകും നേരം .
ചിറകിട്ടടിച്ച് കലപില കൂട്ടും നരിച്ചീര്‍
നിരനിരയായി തൂങ്ങുമൊരു കൊമ്പില്‍
പൗര്‍ണമി ചന്ദ്രന്‍റെ സൂചിമുനകള്‍ പ്രകാശം
വരയ്ക്കുമാ മനോഹരദലങ്ങളില്‍ നിശ്ചയം !
പിന്നെ ലജ്ജയാല്‍ കാര്‍മുകില്‍ കോട്ടതന്‍ പിന്നില്‍
പോയിമറയും തന്‍ പ്രകാശം നിഷ്പ്രഭമാകുംവേളയില്‍ രാവേറെക്കഴിഞ്ഞാ ഏകാന്ത യാമത്തില്‍
കുടിലിന്‍ കിളിവാതില്‍ തുറന്ന്‍
ഞെട്ടറ്റുവീഴുന്ന പുഷ്പ്പത്തെ താങ്ങിയെടുത്ത്
എന്‍റെ മാറോടടുപ്പിക്കും മടിയാതെ ..
നന്നായിരിയ്ക്കുന്നു കവിത
ReplyDelete(വേര്‍ഡ് വെരിഫികേഷന്‍ മാറ്റിയില്ലെങ്കില്‍ ഇനി മുതല്‍ അഭിപ്രായം എഴുതുന്നതല്ല. പരിമിതസമയം കൊണ്ട് വളരെയേറെ ബ്ലോഗ് സന്ദര്‍ശിക്കേണ്ടുന്നതുണ്ട്. അതുകൊണ്ടാണ്)
word verification നീക്കം ചെയ്തു.
Delete