യുഗാബ്ദങ്ങളുടെ തിരുശേഷിപ്പുകൾ
തൃണതുല്യം അവഗണിച്ച് , പ്രശാന്തമായി
തൻറെ ആലയിൽ പച്ചിരുമ്പ് തല്ലുന്നു
കയ്യിലുള്ളതിനെ വിസ്മരിച്ച്
വരാനുള്ളതിനെ വിസ്മരിച്ച്
ഉത്തരായന ദക്ഷിണായനങ്ങൾ കാണാതെ
കാലവർഷം മുത്തുമണികളെറിഞ്ഞിട്ടും
ഓളങ്ങൾ തല്ലാത്ത ശാന്തസമുദ്രമായും
സൂര്യൻ തൻറെ ആഗ്നെയാസ്ത്രങ്ങൾ
നിഷ്ക്കരുണം എയ്തിട്ടും
വിണ്ടുകീറാത്ത ഭൂതലമായും
വേഷപ്പകർച്ചകൾ പലതായിട്ടും
ഇനിയും വരാനുള്ള,
വാരിക്കുന്തങ്ങളും മലർമാരികളും
ഒന്നായി പുൽകാൻ മടിയില്ലാതെ
ബന്ധുവായും ശത്രുവായും വരുന്നവർക്ക്
അയാൾ പന്തിഭോജനം നടത്തുന്നു..
(ചിത്രം ഗൂഗിളില്‍ നിന്ന്)
(ചിത്രം ഗൂഗിളില്‍ നിന്ന്)
