Thursday, 20 September 2012

നിനക്കായ്‌

ശലഭങ്ങള്‍ വിണ്ണില്‍ വരഞ്ഞൊരു ചിത്രം 
നിന്‍ മിഴികള്‍ മഷിയിട്ടെഴുതിയ പോല്‍ 
മൃദു നിശ്വാസങ്ങള്‍ കുളിര്‍ കാറ്റില്‍ 
ചിരിതൂകി കളിയാടിയ പുലരികളില്‍ 
മൃദു മന്ത്രണത്തിനായി കാതുകള്‍ പരതവേ 
ഒരു ചെറു ചിരിയില്‍ ഒതുങ്ങി നിന്നു നീ 
പുഞ്ചിരിതൂകും പനിനീര്‍ മുകുളമായി നിന്നൂ 
ചെറു തോടുകള്‍ ചില ഏടുകള്‍ താളത്തില്‍ മൂളവേ 
വയല്‍ വരമ്പിലെ കാറ്റുപോലെ നീ തഴുകി 
അകലവേ കാക്കപൂവുകള്‍ കാര്‍മുകിലിനെ പുല്‍കിയ 
സന്ധ്യയില്‍ നിന്നെ തേടി ഞാന്‍ അലഞ്ഞൂ സഖീ 
പറയാതെ പറയും കഥകളില്‍ പലനാളും അലയുക 
പതിവാക്കി നേരം മറന്നും കാലം മറന്നും ഒരു 
മൃദു മന്ത്രണം തേടി അലയവേ 
ഒരുനാളും അകലാതെ അരികത്തായി ചിരിതൂകി 
നില്‍ക്കണം നീ എന്‍ മനസ്സിന് കരുത്തായി 
മറവിക്ക് മരുന്നായി ഇരുളിന് വെളിച്ചമായി 
വിശ്വാസത്തിന്‍റെ  തണലായി അരികത്തണയൂ സഖീ 

1 comment: